EPEKTO NG WATTPAD SA PAGGAMIT NG BOKABULARYO NG MGA MAG-AARAL SA IKALAWANG TAON MEDYOR SA FILIPINO SA BESTLINK COLLEGE OF THE PHILIPPINES

Abstract

Ang pag-aaral na ito ay naglalahad ng mga pamamaraan sa pangangalap ng kinakailangang datos. Ayon kay Katherine Cabangbang (2018), ang Wattpad ay isang digital na plataporma kung saan maaaring magbasa at magsulat ng iba’t ibang uri ng kuwento. Ito ay malayang naa-access ng sinuman, kabilang ang mga kabataan at matatanda. Ang mga respondente ng pag-aaral na ito ay mga mag-aaral sa Ikalawang Taon, Medyor sa Filipino sa Bestlink College of the Philippines. Ginamit ang Purposive Sampling Technique sa pagpili ng tatlumpung (30) kalahok. Ang pananaliksik ay nakatuon sa pagsusuri ng epekto ng Wattpad sa kanilang bokabularyo. Ang mga respondente ay inilalarawan ayon sa edad at kasarian. Ang pinakamalaking pangkat ayon sa edad ay "18-21 taong gulang" na may 87% ng kabuuang bilang. Ayon sa kasarian, 90% ay babae. Natuklasan na ang paggamit ng "matalinhagang salita" sa Wattpad ay nagdulot ng kalituhan sa pag-unawa sa bokabularyo. Bukod dito, natukoy rin ang paggamit ng "balbal na salita," na nagresulta sa hindi akmang paggamit ng mga salita sa akademikong konteksto. Ipinapakita sa Talahanayan 1 na karamihan sa mga respondente ay nasa edad "18-21 taong gulang" (87%) at karamihan ay babae. Ang susunod na pangkat ay "22-24 taong gulang" na may 13%, habang walang respondenteng nasa "25 pataas." Ang paggamit ng Wattpad ay may impluwensya sa bokabularyo ng mga mag-aaral, na maaaring positibo o negatibo depende sa konteksto ng paggamit.