Epekto Ng Panonood Ng K-Drama Sa Pagsasalita Ng Wikang Filipino Ng Mga Piling Mag-Aaral Ng College Of Teacher Education Medyor Sa Filipino

Vol.3, No.2

Abstract

Sa pagpasok ng pandemya sa ating bansa nagkaroon ng pagbabago sa ating pang-araw-araw na pamumuhay, kasabay din nito ang pag-usbong ng iba’t ibang palabas na pinagkakaabalahan ng bawat kabataan tulad na lamang ng K-drama, kung kaya K-drama ang naging sandalan ng mga kabataan sa tuwing sila ay nababagot sa paulit-ulit nilang ginagawa sa araw-araw. Ngunit hindi maitatago at maikakaila na ang panonood o ang labis na pagkahumaling dito ay may epektong naidudulot sa mga mag-aaral. Kung kaya ang pag-aaral na ito ay binigyang linaw ang mga maaring maging epekto ng panonood ng K-drama sa pagsasalita ng mga mag-aaral at gawin itong gabay tungo sa Mabuti at masamang epekto ng panonood ng K-drama.

Ang pag-aaral na isinagawa ng mga mananaliksik ay gumamit ng deskriptibong pamamaraan at purposive sampling technique. Pumili ng apatnapung (40) mag-aaral mula sa ikalawang taon na may medyor na Filipino ng College of Teacher Education sa Bestlink College of the Philippines na kung saan sila ang sasagot sa inihandang talatanungan ng mga mananaliksik. Ang ganitong uri ng metodo ay nagnais na magbigay ng kasagutan at katanungan na siyang magiging gabay tungo sa mga maaaring maging epekto ng panonood ng K-drama sa pagsasalita ng Wikang Filipino ng mga piling mag-aaral ng College of Teacher Education medyor sa Filipino sa ikalawang taon sa Bestlink College of the Philippines sa pamamagitan ng pag-aanalisa ng iba't-ibang baryabolAng dahilang nanguna sa sarbey na isinagawa na siyang sinagutan ng mga respondente ay ang dala ng pandemya na kung saan ito ang dahilan ng mga respondente sa panonood ng K-drama na siyang nakakuha ng weighted mean na 4.08 na may interpretasyong labis na nakaaapekto. Ang epektong naidudulot ng K-drama sa pagsasalita ng Wikang Filipino ng mga mag-aaral ay ang madalas nagiging bukang-bibig ang mga salitang nagmula sa K-drama na kanilang napanood na nakakuha ng weighted mean na 2.90 at may interpretasyong madalas na nakaaapekto. Nakaaapekto ang panonood ng K-drama sa pagsasalita ng Wikang Filipino ng mga mag-aaral sa pamamagitan ng pakikipagsalamuha sa mga K-drama lover o fanatic na nakakuha ng 3.18 na weighted mean at may interpretasyong madalas na nakaaapekto. Panghuli, bilang isang gabay upang mapabuti ang epektong hatid ng K-drama sa pagsasalita ng Wikang Filipino ay ang pagtuunan ng pansin ang pag-aaral ng sariling wika at magkaroon ng sapat na kaalaman patungkol sa tamang paggamit ng Wikang Filipino na nakakuha ng 12% na bahagdan. Ang ipinakitang resulta ng pag-aaral na ito ay para sa mga mag-aaral, guro, magulang, paaralan at sa mga mananaliksik sa hinaharap. Upang bigyan ng sapat na kaalaman sa maaaring maging epekto ng panonood ng K-drama sa pagsasalita ng Wikang Filipino nang sa gayon ay matamo ang wastong pagkatuto at pagkaunawa ng mga mag-aaral sa epektong dulot ng panonood ng K-drama sa pagsasalita ng Wikang Filipino upang ito ay hindi maging balakid at hadlang sa kaalamang marapat na inaaral.