Mga Hamon na Kinakaharap ng BSED Filipino Kurikulum sa Bestlink College of the Philippines: Isang Pagsusuri Tungo sa Pag-Unlad
Vol.3, No.1C
Abstract
Ang pagpapaunlad ng isang mamayan ay nagmumula sa edukasyon, kinakailangan mapahusay at mapabuti ang kurikulum na ibibigay sa mga mag-aaral. Kaya’t naging pangunahing layunin ng mga mananaliksik na pag-aralan ang mga hamon na kinakaharap ng BSED Filipino Kurikulum sa Bestlink College of the Philippines.
Ang isinigawang pag-aaral ng mga mananaliksik ay gumamit ng deskriptibong pamamaraan. Sa pagpili ng mga respondente gumamit ang mga mananaliksik ng purposive sampling technique na kung saan ang napiling sampung (10) respondente mula sa una at ikaapat na taon na nagtuturo ng asignaturang Filipino sa Bestlink College of the Philippines.
Ayon sa demograpikong propayl ng mga respondente ipinakita na ang edad 20-29 na taong gulang na may pinakamataas na bahagdan na may 70% at ito ay nasa unang ranggo. Sa kasarian, ang kababaihan ang may pinakamataas na bilang ang nakilahok sa pananaliksik, nakakuha ito ng 60% na bahagdan at una ranggo. Batay sa kalagayang sibil, ang mga binata o dalaga ang nanguna sa ranggo at may 60%. bahagdan. Sa antas ng Edukasyon, mas maraming tumugon ang may MA Unit at ito ang nasa unang ranggo na may 62% na bahagdan. Ayon sa bilang ng taon sa pagtuturo, ang 2-5 taon ang may pinakamataas na bahagdan, ito ay nakakuha ng 50% at una sa ranggo. Sa dinaluhang seminar, ipinakikita rito na ang nasa unang ranggo ay ang “pampaaralan” na mayroong 30% na bahagdan. Ayon nilalaman ng BSED Filipino Kurikulum batay sa “kaayusan”, ang “tamang nilalaman” at ang “mahusay na maihanda ang kalipunan ng kurso at gawaing pampagkatuto”, ay kapwa nakakuha ng pinakamataas na weighted mean na 4.8 at pantay sa una’t kalahating ranggo. Sa “implementasyon”, ang “magtamo ng mga kaalaman, makahubog ng mga kanais-nais na pag-uugali at matutunan ang mga moral at ispiritual na pagpapahalaga sa kurikulum” ang nangunguna sa ranggo at may weighted mean na 4.9. Sa “hanay ngkaguruan” ang “paggamit ng mga guro ng iba’t ibang istrayehiya sa pagkatuto” ang nakakuha ng pinakamataas na ranggo at may weighted mean na 4.9. At panghuli, ayon sa Problema na kinakaharap ng BSED Filipino kurikulum sa Bestlink College of the Philippines, na ang “kakulangan sa kaalaman sa paggamit ng gadgets” ang may pinakamataas na weighted mean na
Ang ipinakitang resulta ng pag-aaral ay nakatulong sa mga magulang, guro, administrasyon ng paaralan at sa mga mag-aaral upang mabigyan ng sapat na kaalaman sa kung ano ang makakatulong upang mas maging epektibo ang pag-aaral ng Filipino Kurikulum.
